إندفعي ، كسّري ، أسقطي وعيدي الأمتحان ألف مره .. جسمك ملكك عقلك ملكك روحك ملكك دينك ملكك شكلك ملكك ، العزيز بيموت والغالي بيجي عليه يوم و يتبادلوه الأرخصين ، تحجري أمام العجلات عمرها ما تدوسك .. أرتشفي خمراً ، أخلعي نقاباً ، ألبسي ملس .. كلك حٌريه وكُلنا تطفُل .. أعلني موقف أمام العلن ومتخافيش .. الجنه مخلوقالك بأنهارها و ثمارها و موسيقاها ، لو حد قالك إنك حرام قوليله أنت أبن حرام و أخو حرام وأب حرام ، أستعدي للمواجهات وخلي صوتك أعلى صوت .. لما تخرجي من بطن الأرض مترجعيلهاش تاني ، ولو كٌنتي لسه تحت أخرجي من فضلك أحنا محتاجينلك .. لو كانت تشرق من الشرق فأنها تٌضيء الغرب أيضاً .. نفتخر بوجودك فساعدينا .. شكراً لوجودك وأشكرينا لوعينا بأهميتك .. مجتمعك غبي ؟؟ محيطاتك مختلفه ؟؟ غيريهم و أصنعي الفارق بالإنعزال .. أزهدي لأن الزٌٌهد أكبر مكافأه ممكن تقدميها لخيالك .. الغلابه من بين أيديكي و الصراعات تنتهي بـ ضحكة حٌره ..
اخلعي كل ماله سبيل لأن يقيدك .. انت\ حره :)
عارف .. أنا مش بفضل أقارنك بيهم وأقول ياريتك كنت زيهم .. بالعكس .. أنا زعلانه إنك زيهم .. نسخه تانيه منهم و مفيش فرق بينكم
يعاملوك زي الأنتيكة القزاز إلي ممكن أي لمسه تكسرها .. يبعدوك عن كل و أي حاجه بحجة إنك ممكن تتكسر .. لحد ماييجي وقت ويفيض بيك و تتمرد على كل دا وقتها هتكتشف إنك مش قزاز ولا حاجه !
____ تأملات على الشاطيء
“طاهرة ، متفتكريش إننا لما نتجوّز هتعبك بطلباتي زي ما بيحصل بين بقيت الناس ، أنا مش عايز أتجوّزك عشان تطبخي لي ولا عشان تكوي لي هدومي ، أنا عايز أتجوزّك عشان ده هيخليني مبسوط من غير ما أعوز أي حاجة تانية من الدنيا ، وانتِ هخليكِ تستمري في دراستك لو عايزة ، هفضل أشتغل عشانّا ، هآكل برّة لمّا تكونِ مشغولة ، الحاجة الوحيدة اللي نفسي فيها إني أقدر أسعدك وأخلَّيكِِ مبسوطة ، انتِ بتحبّيني مش كده ؟؟”
